Një 25-vjeçar është gjetur i pajetë në kanalit vaditës Peqin –Kavajë në afërsi të fshatit Hoxhaj të bashkisë së Peqinit.
Kufoma u identifikua se i përket shtetasit Agim Dallupi, nga Peqini. Ai rezultonte i humbur prej 10 ditësh.
25-vjeçari njihej si person me aftësi ndryshe dhe që nga dita që u shpall i humbur kërkimet për gjetjen e tij u shtrinë në të gjithë zonën dhe përgjatë rrjedhës së lumit Shkumbin dhe kanalit vaditës Peqin-Kavajë.
Kufoma e 25 vjeçarit u dërgua në morgun e Spitalit Rajonal të Elbasanit për autopsi ,ndërkohë që policia dhe prokuroria po kryejnë hetime për zbardhjen e plotë të ngjarjes.
