Një djalë gjashtë vjeçar në Brazil i mbijetoi më shumë se 1100 pickimeve pasi u sulmua nga një tufë bletësh në një fermë në shtetin brazilian të Mato Grosso do Sul, raportoi sot British Mirror.
Sipas një raporti të mediave lokale, njerku i djalit u plagos gjithashtu në sulmin e bletëve të mërkurën.
Pas sulmit, djali ra në koma dhe u dërgua me urgjencë në një spital aty pranë, ku u intubua, por ndërkohë iu hoq ventilimi mekanik.
Toksikologu Sandro Benitez, nga Qendra e Brazilit për Mbikëqyrjen e Integruar Toksikologjike, theksoi se trajtimi i shpejtë është i nevojshëm që viktima të mbijetojë nga sulmi.
“Normalisht, më shumë se 100 pickime mund të jenë fatale për një fëmijë. Më shumë se 500 pickime mund të jenë fatale për një të rritur. Pra, ky fëmijë, falë ndërhyrjes së shpejtë, kujdesit dhe mbështetjes së avancuar, arriti të mbijetojë pavarësisht nga më shumë se 1100 pickime bletësh”, – shpjegoi ai Benitez.
