Ritmi i jetës sonë, puna dhe shqetësimet e përditshme mund të na intensifikojnë shumë lehtësisht ankthin, e në raste të shumta truri ynë na drejton tek ushqimi si një mënyrë për t’u ndjerë më mirë dhe për t’u qetësuar.
Është ai momenti kur ushqimi mund të bëhet armiku ynë më i keq: ne konsumojmë kalori të panevojshme dhe më pas ndihemi fajtorë. Kështu, hapet një rreth vicioz nga i cili është e vështirë të shpëtosh.
Për fat të mirë, ka disa zgjidhje të thjeshta. Më poshtë do të gjeni 5 këshilla të thjeshta dhe efektive për të shmangur të ngrënit të tepërt kur ndiheni të stresuar ose duke kaluar një periudhë të vështirë.
Përtypni një çamçakëz
Çamçakëzi është një qetësues shumë efektiv i stresit. Kur filloni të ndiheni të shqetësuar ose të mërzitur, mund të përtypni çamçakëz për t’ju ndihmuar të qëndroni të qetë dhe të përqendruar. Përtypja e çamçakëzit pa sheqer mund të zvogëlojë marrjen e përditshme të kalorive duke rritur sasinë e energjisë që konsumoni çdo ditë.
Pini çaj
Pijet mund të jenë aleatë të fuqishëm kur bëhet fjalë për të mashtruar trurin tonë për të besuar se nuk jemi të uritur. Sa herë që ndiheni të stresuar dhe dëshironi të hapni frigoriferin, zgjidhni t’i bëni vetes një çaj relaksues. Jo vetëm që do të ndiheni më të relaksuar, por gjithashtu do të jeni në gjendje të hidratoni trupin tuaj dhe të largoni toksinat.
Konsumoni ushqime pikante, por jo çdo ditë
Konsumi i ushqimeve pikante jep ndjesinë e ngopjes dhe djeg më shumë kalori se sa ushqimet e tjera. Kini kujdes mos të përdorni specin djegës çdo ditë sepse përndryshe trupi juaj do të mësohet me të dhe nuk do të prodhojë të njëjtin efekt.
Shmangni ngjyrat e kuqe dhe të verdha në ushqimin tuaj
A e dini se ngjyrat kanë një efekt të madh në oreksin tuaj? Kur shohim një vakt ose një mbështjellje me një nga nuancat të kuqe apo të verdhë, truri ynë aktivizon një sërë mekanizmash që na bëjnë të ndihemi të uritur. Për këtë arsye rekomandohet të shmangni ushqimet me këto ngjyra nëse dëshironi të humbni peshë.
“Aktivizoni” hundën me aromën e mentes
Ka prova që aroma e mentes mund të funksionojë si një shtesë e mirë për të reduktuar oreksin dhe për t’ju ndihmuar të konsumoni më pak kalori gjatë ditës. Mund të mbani me vete një vaj (në treg do të gjeni shumë bimor) me këtë aromë dhe ta nuhasni sa herë që ndiheni të pakëndshëm ose në ankth. Do të ndjeni vërtet lehtësim!
