Në fillim të sezonit Sandro Tonali u rikthye për të luajtur për Newcastle në Kupën e Ligës kundër Nottingham Forest, të fituar nga Mapgies me penallti, pas pezullimit të tij njëvjeçar për shkak të rastit të basteve që kishte tronditur futbollin italian. Më pas, ai u kthye në fushë në Premier League në fitoren 2-1 kundër Tottenham.
Por pikërisht ndaj Francës, i veshur me fanellën e Italisë, Tonali më në fund u rikthye në lojë duke ndjerë një ndjenjë çlirimi. Kështu ka deklaruar mesfushori në intervistën për VivoAzzurroTV.
“Ishte një rrugëtim i vështirë dhe produktiv, njerëzit rreth meje gjithashtu më ndihmuan, ndihem sikur jam rinuar dhe gjithmonë do ta mbaj kujtimin e vitit që kisha jashtë fushës”.
Këto janë fjalët e para të Tonalit kur flet për gjithçka ka ndodhur në sezonin e tij të parë te Newcastle, i kaluar si anësor pikërisht për t’i shërbyer skualifikimit për baste që i kushtoi edhe pjesëmarrjen në Kampionatin Evropian me Italinë. “Ndeshjen kundër Francës e përjetova me një ndjenjë çlirimi, gjithçka ishte shumë e natyrshme dhe e bukur”.
Goli ndaj Belgjikës në Ligën e Kombeve ishte qershia mbi tortë. Një kapitull i ri në karrierën e tij gati për të rifilluar pas një problemi, i cili megjithatë ishte një pjesë integrale e jetës së tij sportive dhe si person. Viti i skualifikimit nuk ishte i lehtë për Tonalin, i cili shpjegon:
“Të stërvitesha gjithë javën pa luajtur ndeshjen ishte si një ndjenjë boshllëku dhe i bëra vetes disa pyetje sepse nuk ishte shumë e lehtë të ishe larg shtëpisë për herë të parë pa. Të luaja një ndeshje zyrtare, kjo ishte sfida e madhe. Duhet te mbaja veten në formë, por pa luajtur dhe përballuar gjithçka në mënyrën më serioze të mundshme.”
Gjatë intervistës vihet re emocioni i Tonalit kur flet për ëndrrën e tij për t’u bërë futbollist dhe atë letrën e famshme drejtuar Saint Lucia e cila u bë virale pas përhapjes së saj: “Unë isha një fëmijë që jetoja me shpresën se do te behesha futbollist dhe i kërkova Santa Lucias duke shkruar të bëhesha futbollist me fanellën e Milanit – shkruan sërish – U realizua”.
