Një konflikt mes disa adoleshentëve është regjistruar pranë Pallatit të Sportit ‘Asllan Rusi’ në Tiranë mesditën e sotme. Në sherr janë përfshirë 5 persona dhe të gjithë kanë qenë të mitur.
Raportohet se sherri ka nisur pas një ndeshjeje basketbolli.
Mësohet se një 13-vjeçar është plagosur gjatë sherrit dhe është dërguar në spital për të marrë mjekim. Gjendja e tij shëndetësore nuk dihet.
Forca të shumta policia mes tyre edhe efektivët e forcave ‘Shqiponja” kanë shkuar në vendngjarje për të neutralizuar sherrin e dhunshëm mes të rinjve.
Grupi hetimor po vijon hetimet për zbardhjen e plotë të ngjarjes.
