Pasi shpalli në shkurt të vitit 2021 Ardian Dvoranin kampion të luftës kundër korrupsionit, DASH tre vite më pas, pikërisht sot ka marrë të njëjtin vendim edhe për kreun e SPAK Altin Dumani.
Në 2021 Dvorani ishte në krye të Këshillit të Emërimeve në Drrejtësi dhe mori kë vlerësim nga DASH pas përplasjeve që ai pati me ish -presidentin Meta për emërimet e gjyqtarëve të Kushtetueses.
Ndërsa sot kemi në këtë vlerësim kreun e SPAK, Altin Dumani.
Kreu i SPAK-ut ka marrë kështu vlerësimin nga Shtetet e Bashkuara të Amerikës, që është një nga vendet që i ka mbështetur më shumë organet e reja të drejtësisë në vendin tonë.
Në 16 shtator, Altin Dumani u takua me zyrtaren e lartë amerikane, Colleen Hyland. Drejtoresha e Zyrës së Evropës Jugore dhe Qendrore në Departamentin e Shtetit të SHBA-së i shprehu mbështetjen e plotë te institucioni që Dumani drejton.
Në ceremoninë e zhvilluar në Departamentin amerikan të Shtetit janë nderuar me këtë çmim 10 kampionëve të luftës antikorrupsion në mbarë Botën, mes të cilëve edhe kreu i SPAK, Altin Dumani.
“Altin Dumani ka goditur politikanë të lartë edhe grupe të rëndësishme kriminale. Duke bërë një punë të jashtëzakonshme dhe është një nga njerëzit dhe institucioni më i besueshëm në Shqipëri”, është motivacioni që u shpall nga DASH, në raport me kreun e SPAK, përsa i takon vlerësimit si ‘kampion i luftës anti-Korrupsion’.
Dumani prej dy vitesh drejton Prokurorinë Speciale, ndërsa mandati i tij si drejtues zgjat 3 vjet. Dumani i përket grupit të prokurorëve që iu bashkuan SPAK që nga momenti i krijimit, ndërsa drejtuesi i parë i Prokurorisë Speciale ishte Arben Kraja.
