Morti i keq ka krijuar problematika të shumta me energjinë elektrike në rrethin e Skraparit dhe atë të Kuçovës.
Si rezultat i reshjeve normale të shiut, ka pasur probleme për sa i përket furnizimit me energji elektrike në disa fshatra.
Është dëmtuar fidri nr.9 në nënstacionin e Çorovodës, duke nxjerrë jashtë pune 2 kabina elektrike.
Ndërsa si rezultat i këtyre dëmtimeve kanë mbetur pa energji elektrike prej disa orësh 40 abonentë në fshatrat e thella malore: Leshnje, Potom, Kostren e Tomorr.Po kështu, dëmtime të linjave të shpërndarjes së energjisë elektrike ka pasur edhe në rrethin e Kuçovës, ku erërat e forta dhe shiu i pandërprerë, kanë dëmtuar fidrin.13/6 kV në nënstacionin e Kuçovës.
Si pasojë e 6 kabinave të dëmtuar nga ky fidër, janë pa energji elektrike që prej orëve të para të mëngjesit 200 abonentë në zonën Gegë-Frashër. Burimet zyrtare të OSHEE-së Berat, konfirmojnë se vijon puna për të riparuar linjat dhe kabinat e dëmtuara, me qëllim kthimin sa më të shpejtë të energjisë elektrike. Por në fakt energjia elektrike vazhdon të mungoj dhe qytetarët mbeten në errësirë edhe pse Balluku me Ramën pompojnë opinionin çdo ditë se e kanë kthyer Shqipërinë në kopësht të lulëzuar.
