Orges Shehi bëri ditën e sotme debutimin te skuadra e Ballkanit në elitën e futbollit kosovar. Skuadra e tij nuk shkoi më shumë se barazimi 1-1 në transfertë ndaj Ferizajt.
Edhe pse suharekasit gjetën të parët avantazhin me anë të Hamidit, vendasit nuk u dorëzuan teksa arritën të shënonin me ish-sulmuesin e Skënderbeut dy edicione më parë Abdul Temitope, i cili në minutën e 84-të, shënoi me kokë duke vulosur shifrat në 1-1.
Ky ishte goli i katërt për Temitope, i cili duket se po përshtatet mjaft mirë me skuadrën e Ferizajt, duke i dhuruar pikë të shumta, ndërkohë që këtë herë i “prishi” festën e debutimit trajnerit durrsak.
