Gjatë orëve të para të mëngjesit të sotëm (e diel, 8 dhjetor), Shqipëria do të jetë nën mbizotërimin e vranësirave të shpeshta, të cilat do të gjenerojnë rrebeshe shiu në si fillim në zonat veriore dhe gradualisht do të përfshijnë të gjithë territorin e vendit. Raportohet se herë pas here shirat do të jenë në formë shtrëngate.
Sipas MeteoAlb, në zonat e thella malore priten reshje dëbore, teksa parashikohet që deri mëngjesin pas-ardhës reshjet e dendura të vijojnë në të gjithë territorin e vendit.
Era do të fryjë e fortë si në tokë dhe në det duke arritur shpejtësinë mbi 70 km/h nga drejtimi Jugor; për pasojë në brigjet detare do të krijohen dallgë mbi 6 ballë.
