Ndërhyrja e rëndë e Rey Manajt ndaj Baris Alper Yilmaz, në ndeshjen Sivasspor-Galatasaray, ka bërë që të shpërthejnë polemikat e mëdha në Turqi.
Shqiptari bëri një ndërhyrje të ashpër, por arbitri pavarësisht se e pa në VAR, vendosi ta ndëshkojë vetëm me të verdhë. Kjo ka sjellë reagime të shumta në Turqi, duke ditur se pas asaj ndërhyrje, Yilmaz nuk e vazhdoi lojën, pasi u largua me barelë.
Rey Manaj i ka kërkuar falje Yilmaz-it, duke thënë se nuk kishte qëllim të keq.
“Më vjen shumë keq që u përballa me një situatë që nuk doja ta përjetoja në jetën time profesionale futbollistike. Dua të deklaroj me gjithë sinqeritetin tim ndaj tij dhe publikut të futbollit që nuk e kisha ndërmend ta bëj faull ndaj Bar Alper Ylmaz ose të veproj në çfarëdo mënyre që do t’i shkaktonte atij një dëmtim.
Kjo ndodhi për shkak të adrenalinës së rezultatit të ndeshjes dhe se po përpiqesha të kontribuoja për ekipin tim me emocione, kur ndodhi ky incident. I uroj shërim të shpejtë Bar?? Alper Y?maz dhe i kërkoj falje, duke shpresuar ta shoh sa më shpejt mes nesh”, shkroi Rey Manaj.
Edhe Federata Turke e Futbollit (TFF) ka bërë një deklaratë në lidhje lojtarin e Galatasarayt dhe Kombëtares së Turqisë, Bar Alper Yilmaz.
“Jemi thellësisht të pikëlluar që Bar Alper Ylmaz, lojtari i vlefshëm i Galatasaray Sports Club dhe Kombëtares sonë, u dëmtua si pasojë e një ndërhyrjeje josportive në ndeshjen Sivasspor-Galatasaray të luajtur sot. Si TFF, shëndeti dhe siguria e çdo lojtari që është pjesë e futbollit turk është prioriteti ynë kryesor. Ne dëshirojmë të informojmë publikun se do të ndjekim këtë ngjarje të trishtë”, shkruan në reagimin e saj TFF.
