Drejtuesi politik për Tiranën në Partinë Demokratike, Belind Këlliçi thotë se rezoluta e tretë brenda pak javësh nga komuniteti ndërkombëtar, mbështet opozitën dhe kërkesat e saj për qeveri teknike dhe zgjedhje të lira.
Në një postim në rrjete sociale, Këlliçi shkruan se partnerët ndërkombëtarë, gjithashtu janë ndërgjegjësuar se vendi ynë është kthyer në një “Narkoshtet”, i cili drejtohet nga kreu i një karteli droge dhe jo një kryeministër.
“Të gjithë aleatët tanë, EPP, IDC CDI dhe së fundmi IDU, mbështesin njëzëri kërkesën e PD dhe opozitës shqiptare për qeveri teknike dhe zgjedhje të lira e të ndershme. Mesazhi ndryshe që vjen këtë rradhë nga Ëashington DC është se rezolutën e tretë, e mbështeti organizata botërore e cila në përbërje të saj ka edhe Republikanët Amerikanë dhe Konservatorët Britanikë!”, shkruan Këlliçi.
Më tej, ai thotë se të gjithë aleatët kërkojnë që t’i jepet fund proceseve gjyqësore politike, luftës dhe përndjekjes së drejtuesve të opozitës si dhe kthimin e vendit në normalitet e në një shtet të së drejtës.
