Presidenti i FIFA-s, Gianni Infantino, ka thënë se Botërori i Klubeve do të jetë një event i rëndësishëm për të gjithë botën dhe do të shërbejë si një provë gjenerale për Botërorin e vitit 2026.
“Është një kënaqësi shumë e madhe për mua, por mbi të gjitha për të gjithë futbollin. Është një sport për të bashkuar botën. Që nga viti 1930 ka një Botëror për kombëtaret dhe tani ishte momenti që edhe klubet të kishin këtë strukturë të re.
Nis një epokë e re, ku klubet më të mira dhe lojtarët më të mirë do të bëhen bashkë në vitin 2025. Është një muaj kompeticion që do të jetë realisht më i miri në botë. Sigurisht që është një provë gjenerale për Botërorin e vitit 2026. Të gjithë tifozët në botë kanë mundësi që t’i shohin ndeshjet falas”, tha presidenti i FIFA-s.
