Agjentët e Punëve të Brendshme të Gardës Civile në Spanjë kanë arrestuar njeriun që prej vitesh ishte drejtues i Institutit të Armatosur në Port në një operacion të përbashkët me Policinë Kombëtare për një rrjet trafiku drogeqë futte sasi të mëdha kokaine përmes portit të Valencias.
Kapiteni i sapograduar Jesús Fernández Bolaño, i cili që nga viti 2012 ishte toger i Zyrës së Analizës dhe Hetimit Fiskal (ODAIFI) të Gardës Civile, pikërisht njësia së bashku me Mbikëqyrjen Doganore përgjegjëse për kontrollin e trafikut të drogës, u arrestua për përfshirjen e tij të dyshuar në trafikun e drogës që do të kishte futur 1 ton kokainë përmes portit të Valencias.
Droga u sekuestrua dje gjatë një dërgese të kontrolluar si rezultat i një operacioni të përbashkët të Gardës Civile dhe Policisë Kombëtare prej një viti, të koordinuar nga Gjykata Hetimore numër një e Gjykatës Kombëtare.
Së bashku me komandantin e Gardës Civile të ndaluar për përfshirjen e tij të dyshuar në trafik, hetuesit arrestuan 6 persona të tjerë, tre spanjollë dhe tre të tjerë me kombësi shqiptare.
Mediat spanjolle shkruajnë se ai që njihet si “karteli ballkanik” po merr kontrollin e trafikut të drogës në të gjithë Evropën, duke zhvendosur kolumbianët dhe gjithashtu holandezët. Mes të arrestuarve janë nxjerrësit e drogës, garantori që raportoi se rikuperimi i mallit po shkonte siç ishte vendosur dhe me sa duket, të paktën një shofer kamioni spanjoll.
Operacioni i Punëve të Brendshme filloi një vit më parë, ndonëse prej më shumë kohësh merreshin informacione për standardin e lartë të jetesës që drejtonte kjo komandë e Gardës Civile, në atë kohë toger ODAIFI dhe përgjegjës për kontrollin e gjithçkaje që hynte nga porti i Valencias. Veshjet e shtrenita, një portofol 2000 euro dhe prona të ndryshme të pasurive të paluajtshme ngritën dyshime për aktivitetet e supozuara kriminale të Jesús Fernández Bolaño dhe origjinen e parave.
