NYPD Crime Stoppers ka njoftuar një shpërblim deri në 10,000 dollarë për informacionin që çon në arrestimin dhe dënimin e personit që vrau CEO të UnitedHealthcare, Brian Thompson.
Thompson po ecte drejt hotelit “New York Hilton” në qendër të Manhattanit, i veshur me kostum dhe kravatë, për të marrë pjesë në konferencën vjetore të investitorëve të UnitedHealthcare.
Pas një karriere 20-vjeçare me UnitedHealthcare – një ofrues i mbulimit të sigurimeve shëndetësore për pothuajse 30 milionë amerikanë dhe një nga kompanitë më të mëdha të vendit, ai u emërua shef ekzekutiv në 2021.
Dëshmitarët okularë thonë se personi i armatosur, i veshur me kapuç dhe një çantë shpine, dukej se po e priste jashtë ndërtesës. Ai qëlloi disa të shtëna dhe më pas u largua nga vendi i ngjarjes me biçikletë. Policia, edhe pse nuk ka ende një motiv, po e trajton të shtënat si një “sulm të planifikuar paraprakisht, në shënjestër”.
Të shtënat kanë ndodhur në një nga zonat më të frekuentuara të një prej qyteteve më të ngarkuara në botë. Video nga vendi i ngjarjes, thotë policia, tregon shumë këmbësorë të tjerë që kalojnë personin e armatosur, përpara se ai të veçojë Thompson.
