Deputeti i PD-së, Dashnor Sula vijon t’i qëndrojë sfidës se data e zgjedhjeve të ardhshme parlamentare është caktuar më herët nga mazhoranca dhe këtë gjë e konfirmoi dhe zv.kryeministrja Balluku në Kuvend, e cila u shpreh se opozita më 11 maj do të mundet keqazi.
Teksa lëshoi akuza të ashpra ndaj presidentit Bajram Begaj duke e konsideruar një zar të qeverisë, deputeti demokrat deklaroi se do t’i ulet në gjunjë kreut të shtetit, nëse data e zgjedhjeve nuk do të jetë 11 maji.
Sipas Dashnor Sulës, asnjëherë institucioni i Presidentit nuk ka qenë më i dobët se sa sot.
“Data u caktua dje. E tha Belinda në 11 maj. Jo nuk ka lidhje. Është datë ekskluzive e presidentit. E vendos ai. Zv.kryeministrja e tha ca do hiqni ju në 11 maj. Ka kryer punë. Gjithë partitë e tjera opozitare kishin datë tjetër. Ai është një zar i qeverisë. Ka kryer punë. Nuk ka qenë kurrë kaq dobët institucioni i presidentit. Vetëm dy pr.ligje ka kthyer. E marrin për xhakete të flasë dhe nuk kërkoi kurrë një tryezë me partitë politike. Ai përfaqëson unitetin. Po nuk caktoi datën 11 do t’i ulem në gjunjë”, tha Sula në A2 CNN
