Policia e Vlorës ka reaguar në lidhje me disa pamje të publikuara në JOQ, ku shfaqej një person, duke tërhequr një kalë me një automjet tip “Benz” në fshatin Kotë të Selenicës.
Drejtuesi i automjetit është identifikuar dhe është shoqëruar në komisariat, ku bëhet fjalë për shtetasin G. H., 37 vjeç, banues në fshatin Mavrovë.
Në vijim të veprimeve procedurale, Policia raporton se shtetasi G. H. është proceduar penalisht për veprën penale “Keqtrajtimi i kafshëve”. Gjithashtu, ai është gjobitur me masë administrative në vlerën 110000 lekë, ndërsa automjeti tip “Benz” është konfiskuar.
Materialet i kaluan Prokurorisë së Vlorës për veprime të mëtejshme.
View this post on Instagram
