Fiorentina-Empoli, sfida e vlefshme për fazën e 1/16 të Coppa Italia, e parashikuar për t’u zhvilluar të mërkurën në mbrëmje do të luhet.
Kjo ka qenë konfirmimi zyrtar si nga klubi vjollcë i Fiorentinës, po ashtu edhe nga Lega Calcio (federata italiane e futbollit).
Vetë klubi i Empolit ka qenë i gatshëm për ta shtyrë ndeshjen në shenjë solidariteti me Edoardo Bove i cili ra pa ndjenja në sfidën ndaj Interit.
Në fakt teksa pritej të shtyhej kjo sfidë, pas problmatikës shëndetësore të Bove-s dhe gjendjes së rënduar psikologjike të shokëve të tij të ekipit, në fakt duket se ka qenë vetë Bove ai që u ka kërkuar shokëve të tij të skuadrës dhe klubit ta zhvillojnë ndeshjen ndaj Empolit.
Në këtë mënyrë federata italiane ka konfirmuar se takimi Fiorentina-Empoli do të luhet të mërkurën, ora 21:00.
