Një ditë pasi vrau Alfred Dedja, është gjetur makina që përdori Julian Gjoshi për t’u larguar nga vendi i krimit pasi ekzekutoi mikun e tij.
Makina raportohet të jetë gjetur në zonën e njohur si Shkëmbi i Kavajës. Ndërsa u raportua se deri më tani, në mjet mungonte arma e krimit.
Krimi ndodhi brenda lokalit dhe sipas dëshmitarëve, mes autorit të dyshuar të krimit dhe viktimës ka pasur një debat, përpara se 27-vjeçari të qëllonte me armë zjarri në drejtim të “Daku”-t.
Raportohet se Julian Gjoshi ka qëlluar 5 plumba, por vetëm 3 plumba kanë kapur në trup 50-vjeçarin, i cili humbi jetën në vendngjarje.
Sipas burimeve nga grupi hetimor, rezulton se disa ditë më parë ka pasur një sherr mes viktimës dhe autorit.
