Tre persona janë vënë në pranga në Tiranë. Mësohet se arrestimi i tyre ka ardhur për vepra të ndryshme. Sipas njoftimit të policisë mes të arrestuarve është një 37-vjeçar i cili dyshohet se ka ushtruar dhunë ndaj gruas së tij.
Më tej policia bën me dije se një 39-vjeçar është prangosur pasi dyshohet se ka vjedhur në bashkëpunim me një person tjetër një biznes. Mësohet se në biznes kanë vjedhur pije alkoolike ndërsa 34-vjeçari është në kërkim.
Ndërkohë i arrestuari i tretë është një 27-vjeçar pasi ai ka kundërshtuar veprimet e një firme kontraktuese gjatë kohës që po kryenin punime në një aks rrugor. Më tje bëhet me dije se ai ka vendosur një shtyllë tensioni në një sipërfaqe toke që dyshohet se ishte zaptuar në mënyrë të paligjshme nga i riu dhe shoku i tij i cili u procedua penalisht.
Njoftimi i plotë:
Tiranë/Arrestohen 3 shtetas, për vepra të ndryshme penale. Specialistët e Seksionit për Hetimin e Krimeve në Komisariatin e Policisë Nr. 1 arrestuan shtetasin A. Z., 37 vjeç, pasi dyshohet se ka ushtruar dhunë ndaj bashkëshortes së tij. Specialistët e Seksionit për Hetimin e Krimeve në Komisariatin e Policisë Nr. 4 arrestuan shtetasit:
– J. A., 39 vjeç, banues në Tiranë, si dhe po punojnë për kapjen e shtetasit N. H., 34 vjeç, banues në Tiranë, pasi dyshohet se kanë vjedhur disa produkte (pije alkoolike) në një biznes;
– H. K., 27 vjeç, banues në Tiranë, si dhe proceduan në gjendje të lirë shtetasit A. K., 30 vjeç, dhe H. K., 62 vjeç. Këta shtetas kanë kundërshtuar veprimet e një firme kontraktuese gjatë kohës që po kryenin punime në një aks rrugor, (duke vendosur një shtyllë tensioni), në një sipërfaqe toke që dyshohet se ishte zaptuar në mënyrë të paligjshme prej tyre. Gjithashtu, shtetasi H. K., ka kundërshtuar me forcë punonjësit e Policisë që ishin në mbështetje të ARRSh-së. Gjatë veprimeve shtetasi H. K., ka tentuar të dëmtojë veten, duke hedhur në trup lëndë të dyshuar djegëse, por është ndaluar menjëherë nga shërbimet e Policisë.
Më datë 28.11.2024, rreth orëve të para të mëngjesit, në Allias, ka rënë zjarr në banesën e shtetases D. R., dhe si pasojë janë dëmtuar lehtë (me djegie të lehta në dorë), dy fëmijët e saj të mitur. Po punohet për sqarimin e shkakut të rënies së zjarrit. Materialet i kaluan Prokurorisë.
