Manchester United zbuloi shpenzimet e bëra muajin e kaluar me shkarkimin e Ten Hag dhe punësimin e Ruben Amorimit dhe shtypi anglez sugjeron faktin se janë shpenzuar 22.5 milionë euro, gjë që mund të kenë ndikim në tregun e janarit.
Me largimin e holandezit, i cili kishte rinovuar kontratën disa muaj më pare, “Djajtë e Kuq” shpenzuan 12.5 milionë euro. Ruud van Nistelrooy drejtoi përkohësisht ekipin deri në ardhjen e Ruben Amorimit, nënshkrimi i të cilit i kushtoi klubit anglez 10 milionë euro.
Rregullat e kontrollit financiar të Premier League janë shumë të shtrënguara dhe ‘Manchester Evening News’ ngre mundësinë që këto shpenzime të ndikojnë në buxhetin e disponueshëm për nënshkrimet në merkaton e janarit.
Kujtojmë se Ruben Amorim debutoi me barazim ndaj Ipswich (1-1) dhe se sot po luan ndaj Bodo/Glimt në Europa League me këta të fundit që kryesojnë 1-2 në “Old Trafford”.
