Një 70-vjeçare ka humbur jetën ditën e sotme në qytetin e Fierit pasi ra nga lartësia e pallatit ku banonte, në lagjen “Apollonia”.
Sipas informacioneve paraprake, bëhet me dije se gruaja ra aksidentalisht nga kati i 7-të i pallatit.
E moshuara u transportua me urgjencë në spital, por për fat të keq nuk arriti t’i mbijetonte plagëve të marra dhe ndërroi jetë.
“Rreth orës 12:35, në lagjen “Apollonia”, dyshohet se shtetasja S. D., 70 vjeçe, ra aksidentalisht nga kati i shtatë i një pallati, dhe për shkak të dëmtimeve të rënda ndërroi jetë në spital.”– njofton policia.
Grupi hetimor po punon për të sqaruar rrethanat e ngjarjes.
