Një ngjarje e rëndë është shënuar gjatë mbrëmjes së sotme në fshatin Moglicë, Maliq.
Policia bën me dije se 61-vjeçari Sejfulla Gjata ka humbur jetën, pasi mjeti bujqësor që ai po drejtonte, është përmbysur në rrethana ende të paqarta.
Ndërsa në njoftimin e policisë theksohet se po punohet për sqarimin e rrethanave dhe shkakut të rastit.
“Rreth orës 18:20, në fshatin Moglicë, Maliq, një mjet bujqësor që drejtohej nga shtetasi S. Gj., 61 vjeç, në rrethana ende të paqarta është përmbysur.
Si pasojë drejtuesi i mjetit bujqësor ka ndërruar jetë.
Grupi hetimor po punon për sqarimin e rrethanave dhe shkakut të rastit”, thuhet në njoftimin e policisë.
