Pedagogu Ervin Goci ka folur në lidhje me gjendjen ku ndodhet arsimi në vendin tonë. Goci u shpreh se sistemi nuk është unitar, teksa shtoi se është edhe i keqadministruar.
Goci shprehet se sistemi arsimor nuk ka shtyllë kurrizore dhe shton se nxënësit nuk kanë një strehë të sigurt.
“Shikojmë disa institucione të cilat janë të shkëputura nga sistemi i arsimit. Shoh shkëputje nga shkolla e mesme me universitetin. Sistemi nuk është unitar. Nuk ka një shtyllë kurrizore. Ka një keqadministrim. Nuk është vetëm sherri.
Sa vjen shtatori, maturantë dalin në rrugë për vjedhje testesh. Sistemi është në krizë, i çorientuar. Nuk janë nxënësit në një strehë të sigurt”, tha Goci në “Off the Record”.
