Dëmtimi i çatisë nga moti i keq në spitalin e Pukës, duket se ka shkaktuar probleme të mëdha, duke e nxjerrë pjesën më të madhe të godinës jashtë funksionit.
Mësohet se reshjet intensive të shiut që bien në katin e tretë kanë deportuar dhe në katin e dytë të spitalit.
Kjo ka bërë që edhe pavijoni i Kirurgjisë dhe Materniteti të dalin jashtë funksionit, ndërsa dje u raportua se nuk është në përdorim as pavioni i Patologjisë dhe Pediatrisë.
Burime bëjnë me dije se shiu ka depërtuar në dhomat e pacintëve, duke e bërë të pamundur qëndimin aty. Një pjesë e mirë e pacientëve kanë ikur vetë drejt shtëpive të tyre, ndërsa një pjesë janë transferuar drejt spitalit të Shkodrës.
Aktualisht në spitalin e Pukës është funksional vetëm reparti i urgjencës i cili është ndërtesë në vete.
