Tata Martino nuk do të vazhdojë të jetë në krye të Inter Majemit. Raportimet e fundit tregojnë se pronari i skuadrës amerikane, David Beckham nuk dëshiron vazhdimin e tij në krye të klubit ku luan Leo Messi, për shkak të dështimeve.
“Mundo Deportivo” shfaq Sylvinho-n si një alternativë për të qenë trajner i Inter Majemit. Tekniku brazilian, që është në kontratë te Kombëtarja shqiptare, tregohet si një nga dëshirat e vetë Beckham.
Xavi dhe po ashtu Zidane janë përfolur si opsione. Këto të dy janë të lirë ndërkohë dhe mbetet për t’u parë vetëm dëshira e tyre për të përfunduar në MLS.
