Gjykata e Posaçme e Apelit ka dënuar me burgim të përjetshëm tre anëtarë të “Bandës së Cërrikut”, të cilët janë shpallur fajtor për vrasjen e 6 gardistëve në vitin 1997.
Më konkretisht, është lënë në fuqi vendimi i Shkallës së Parë të ish Krimeve të Rënda për dënimet për të 9 anëtarët e “Bandës së Cërrikut”, duke u shpallur fajtor edhe ata të pandehur që ishin deklaruar pjesërisht të pafajshem për ndonjë episod.
Tre prej anëtarëve që janë dënuar me burgim të përjetshëm janë Meti Bozi, Roland Sota dhe Arjan Toska.
9 të pandehurit e Bandës së Cërrikut akuzohen si autorë të masakrës së Cërrikut, ngjarje kjo e ndodhur më 23 mars të vitit 1997, ku mbetën të vrarë me armë zjarri 6 punonjës të Gardës së Republikës si dhe u plagosen 9 punonjës të Policisë së Shtetit.
Kjo dosje e bujshme është hetuara disa vite më parë nga dy prokurorët e Krimeve të Rënda, Adnand Xholi dhe Anton Martini, të cilët urdhëruan arrestimin e 9 personave, mes të cilëve dhe ish-kryetarin e Komitetit të Shpëtimit në Cërrik, Llazar Bicja.
Bicja, cilësohej nga hetimi i Prokurorisë si njëri nga personat që 27 vite më parë, në muajin Maj 1997 kishte organizuar pritën e armatosur dhe vrasjen e 5 gardistëve Besnik Sula, Halit Haxhia, Bashkim Mnella, Sali Martini, Petrit Ndoi si dhe plagosjen e 9 policëve.
Vendimi i marrë nga Krimet e Rënda shkoi deri në Gjykatën e Lartë, e cila ia riktheu Apelit dhe përfundoi në “duart” e Gjykatës së Posaçme të Apelit, e cila dha vendimin ditën e sotme.
DËNIMET NË SHKALLË TË PARË
- Meti Bozi, i dënuar me burgim të përjetshëm për 6 vrasje dhe 16 plagosje të policëve
- Arjan Toska, i dënuar me burgim të përjetshëm për 5 vrasje dhe 16 plagosje të policëve
- Roland Xhepexhiu, i dënuar me burgim të përjetshëm për 5 vrasje dhe 16 plagosje të policëve
- Tomor Buzani, i dënuar me 23 vite burg për 5 vrasje dhe 16 plagosje të policëve
- Llazar Bicja, i dënuar me 22 vjet burg për për 5 vrasje dhe 16 plagosje të policëve
- Alban Toska, i dënuar me 22 vjet burg për për 5 vrasje dhe 16 plagosje të policëve
- Entel Gashi, i dënuar me 22 vjet burg për 5 vrasje dhe 16 plagosje të policëve
- Skëndër Cano, i dënuar me 21 vjet burg për një vrasje dhe 16 plagosje
- Bujar Buzani – I penduar, 23 vjet burg, dënimi ulet në 8 vjet burg
VIKTIMAT NË MASAKRËN E CËRRIKUT
– Efektivë të Gardës së Republikës:
- Besnik Sula
- Halit Haxhia
- Bashkim Mnella
- Sali Martini
- Qemal Mehmeti
- Petrit Ndoi
Të plagosurit në masakrën e Cërrikut:
- Gjergj Gjoka
- Ded Margjoka
- Ferd Laska
- Pjeter Nikolli
- Petrit Guda
- Agron Kuliçaj
- Pashk Ndreca
- Dritan Hasa
- Agim Biberi
- Paulin Ndoka
- Petrit Nikolli
- Luan Prenga
- Fari Metaliaj
- Petrit Gjoka
- Pashk Doda
- Sokol Kuça
