Një 30-vjeçar ka rënë aksidentalisht nga lartësia e një pallati në qytetin e Vlorës. I riu ishte duke punuar në objektin në ndërtim në momentin që ra nga kati i tretë i godinës.
Ai u transportua me urgjencë drejt spitalit rajonal të Vlorës, ku është në gjendje të rëndë për jetën.
Grupi hetimor ndodhet në vendngjarje dhe po punon për të zbardhur dhe dokumentuar rrethanat e rastit.
“Rreth orës 11:00, dyshohet se aksidentalisht, gjatë punës për ndërtimin e një pallati në lagjen “28 Nëntori”, ka rënë nga kati i tretë i objektit, shtetasi A. Sh., 30 vjeç, banues në fshatin Sherishtë. 30-vjeçari është transportuar në spitalin rajonal të Vlorës, ku aktualisht është në gjendje të rëndë shëndetësore”, thuhet në njoftimin e policisë.
