Gjykata e Posaçme kundër Korrupsionit dhe Krimit të Organizuar ka dënuar me 2 vite burgim ish-punonjësin e OSHEE-së, Arjan Pashaj.
Ai është shpallur fajtor për veprën penale “Korrupsioni pasiv i personave që ushtrojnë funksione publike”, teksa është dënuar me 3 vite burgim, por për shkak të gjykimi të shkurtuar, dënimi i është ulur në 2 vite burgim.
Arjan Pashaj akuzohet se i ka marrë 2.7 milion lekë të vjetra pronarit të një furre buke në Tiranë me qëllim që t’i rimbursojnë energjinë elektrike.
Rasti u denoncua nga emisioni “Fiks Fare”, teksa pronari i furrës së Bukës Zef Gjelaj, nga 5.4 milionë lekë që do t’i rimbursohej, 2.7 ia morën brenda furrës punonjësit e OSHEE-së.
Ndërkohë GJKKO, pronarin e furrës së bukës Zef Gjelaj e ka dënuar me 1 vit burgim, i cili për shkak të gjykimit të shkurtuar i është ulur në 8 muaj burgi. Ai është shpallur fajtor për veprën penale “Korrupsioni aktiv i personave që ushtrojnë funksione publike”.
Vendimi i sotëm i GJKKO-së është marrë nga trupa gjykuese e përbërë nga gjyqtaret Elsa Ulliri, Irena Gjoka dhe Etleva Deda,
SKANDAL/ Punonjësit e OSHEE-së, ryshfet 2.7 milionë lekë nga pronari i një furre buke në Tiranë
