Fatmir Prengaj ka lënë pas dëmtimin dhe ka nisur vrapimet individuale me Tiranën.
Për disa ditë lojtari i bardhebluve ka qenë pushim, ndërsa tani po provon të rikthehet në fushën e lojës. Stafi mjekësor, e ka mbajtur jashtë fushe dhe shpreson që lojtari të mos humbasë 6 muaj, por vetëm një muaj.
Mjekët duan që lojtari të riaftësojë gjurin këto ditë që do të jetë pushim. Fakt është që Prengaj do të humbasë edhe derbin, që luhet pas dy javësh.
Gjendja e tij do të shihet në vazhdim dhe nëse futbollisti do të riaftësohet shpejt apo jo.
Prengaj erdhi këtë sezon nga Kategoria e Parë pasi la Vorën për bardheblutë. Në këto 12 javë është aktivizuar në 11 prej tyre.
Në nëntë sfida është aktivizuar nga minuta e parë, ndërsa në dy prej tyre, si zëvendësues ndërsa ka shënuar dy gola kundër Skënderbeut.
