Ish-kreu i Komunës së Shëngjinit Salvador Kaçaj është paraqitur gjatë paradites së sotme në SPAK.
U raportua se Kaçaj është thirrur nga institucioni i akuzës për t’u pyetur në lidhje me ngjarje që ka dijeni, ose rrethana të tjera.
Informacionet janë ende të rezervuara, teksa shihet në këto pamje duke hyrë në SPAK mëngjesin e sotëm.
Kujtojmë që Salvador Kaçaj ka denoncuar në mars të vitit të kaluar një atentat ndaj tij në policinë vendore të Lezhës, ku theksonte se dy persona i zunë rrugën me automjet, ndërsa njëri prej tyre ishte i armatosur me pistoletë.
Por nuk dihet nëse vajtja në organin e akuzës lidhet me këtë ngjarje.
