Figura të njohura të opozitës ruse në ekzil, protestuan këtë të diel në Berlin, kundër presidentit Vladimir Putin dhe luftës në Ukrainë. Disa mijëra mbështetës ju bashkuan marshimit të udhëhequr nga Yulia Navalnaya, e veja e liderit të opozitës ruse Aleksi Navalni I cili vdiq në muajin shkurt në një burg të Rusisë.
Pjesëmarrësit mbanin flamujt bardhë e blu të opozitës ruse e po ashtu flamujt ukrainas, teksa thërrisnin “jo luftës’ dhe ‘Putin është një vrasës.’
Pjesëtarët e opozitës ruse kanë emigruar jashtë vendit që kur Kremlini përshkallëzoi fushatën kundër disidentëve, duke burgosur qindra e ndoshta mijëra njerëz për pikëpamjet e tyre politike.
Opozita thotë se ka tre kërkesa kryesore: tërheqjen e menjëherëshme të trupave nga Ukraina, gjykimin e Putinit si kriminel lufte dhe lirimin e të gjithë të burgosurve poltike në rusi.
