Juventusi zyrtarizoi këtë të premte zgjidhjen e kontratës me Paul Pogban.
Mesfushori francez është i lirë të nënshkruajë me një klub tjetër nga fundi i muajit, edhe pse do të vuajë dënimin për doping deri në mars të vitit të ardhshëm.
Pogba nënshkroi për klubin italian, të cilin e kishte përfaqësuar më parë nga viti 2012 deri në vitin 2016, në verën e vitit 2022, si lojtar i lirë, pasi mbylli përvojën te Manchester United.
Ndeshja e fundit e francezit ishte Empoli-Juventus (0-2), më 3 shtator 2023.
Sipas “La Gazzetta dello Sport”, ndërprerja e kontratës së Pogba-s do t’i kursejë Juventusit rreth 30 milionë euro bruto, duke përfshirë pagën minimale të 12 muajve të fundit, pagën sezonale prej 8 milionë eurosh dhe bonuset prej 2 milionë euro deri në përfundim të kontratës në vitin 2026.
