Parashikimet më të këqija janë konfirmuar për Olympique Lyon, klub historik francez që po lufton me një krizë shumë të rëndë financiare.
Të premten, më 15 nëntor, klubi doli përpara DNCG (Drejtoria Kombëtare e Kontrollit të Menaxhimit), e cila analizoi llogaritë e klubit.
Organi i kontrollit financiar të futbollit francez ka urdhëruar rënien paraprake të Lionit në Ligue 2 dhe pezullimin e merkatos.
Çfarë është rënie paraprake nga kategoria?
Lyon do të zbresë në Ligue 2 në fund të sezonit nëse pronësia e klubit nuk do të jetë në gjendje të shlyejë borxhet e mëdha, që arrijnë në më shumë se 500 milionë euro.
Mendohet se klubit do t’i duhet të shesë disa lojtarë kyç për të provuar të balancojë rezervat. Megjithatë, kjo ende mund të mos mjaftojë për të zgjidhur problemin.
Lyoni është aktualisht në vendin e 5-të në renditje në Ligue 1, vetëm 2 pikë larg vendit të 3-të që siguron praninë në Champions. Njëkohësisht, ai është pjesëmarrës edhe në Europa League në këtë edicion.
