Sot është dita e fundit e afatit të komisionit hetimor të koncesioneve në shëndetësi, ndërkohë që ish-ministri i Shëndetësisë Ilir Beqaj ende nuk ka dëshmuar, edhe pse është paraqitur për ditën e dytë rresht, për shkak të përplasjeve të forta të deputetëve në komision.
Opozita kërkon shtyrjen e afatit dhe thirrjen në komision të kryeministrit Edi Rama, si dhe të biznesmenes Vilma Nushi, një prej përfitueseve të koncesionit të check up-it, por refuzohet nga mazhoranca.
Pas debateve, përplasja në komision është kthyer edhe në një “luftë” pankartash, ku demokratët mbanin në duar fotografi të Edi Ramës dhe Vilma Nushit, ndërsa nënkryetari i komisionit, Plarent Ndreca, u shpërndau fletë kolegëve socialistë me mbishkrimin “Mos ki frikë nga e vërteta” dhe “Lëreni Beqjan të flasë”.
