Ditën e djeshme Partia Demokratike mbajti zgjedhjet për kryetarin e ri të degës së PD-së në Kamëz, ku tre kandidatët në garë ishin Alfred Halili, Artan Kukeli dhe deputeti Petrit Doda, dhe fitues rezultoi ky i fundit.
Por, në prezantimin e Dodës para strukturave të PD-së në Kamëz mungonte deputeti i zonës, Asllan Dogjani, i cili kur nuk e kishte marrë ende mandatin e deputetit kandidoi në primare dhe për të qenë kandidat për kryebashkiak të Kamzës.
Nisur nga fakti i mungesës së tij, Asllan Dogjanit duket se i ka ngelur hatri dhe i ka komentuar kreut të PD-së, Sali Berisha në postimin e rrjetit social Facebook.
Teksa i uron suksese Dodës dhe e konsideron si një zgjedhje të mirë, ai shtron pyetjen se si mund të mungonte deputeti më i votuar.
“Suksese Petrit Dodës se ia vlen, por besoj është e dëmshme në këto momente kur bëhet prezantimi i kryetarit të partisë nuk thirret deputeti më i votuar i zonës. A kështu do të fitojmë?”, ka komentuar Dogjani.
