Shqipëria do të kërkojë maksimumin në ndeshjet ndaj Çekisë dhe Ukrainës, të vlefshme për nations League.
Situata është shqetësuese në kampin kuqezi, pasi trajneri Sylvinho nuk do të ketë gati 3 lojtarë. Nuk do të mund të kontribuojnë futbollistë si Berat Gjimshiti, Marash Kumbulla dhe Keidi Bare, për shkak dëmtimi.
Për t’u shqyrtuar mbetet situata e Rei Manaj, i cili nuk është grumbulluar në ndeshjet e fundit me Sivasspor.
Vlen të theksojmë se këtë të hënë kombëtarja zhvillon stërvitjen e parë, në prag të këtyre takimeve. Shqipëria deri më tani ka grumbulluar 6 pikë, pas 4 ndeshjesh të luajtura.
