Myrto Uzuni është thjeshtë spektakolar me Granadan teksa mbrëmjen e sotme ka arritur të shënojë një dygolësh duke qenë përcaktues në fitoren 3-2 të skuadrës së tij ndaj Eldenses.
“Bomberi” beratas ishte autor i një dopiete, teksa fillimisht shënoi në minutën e 17’-të për të zhbllokuar shifrat me anë të një 11-metërshi.
Goli i sulmuesit shqiptar u pasua nga rrjeta e Boye i cili dyfishoi shifrat për Granadën ndërsa miqtë barazuan shifrat me golat e Chapela dhe Ortuno.
Megjithatë për fitoren mendoi “ylli kuqezi”, i cili dërgoi topin në rrjetë për të siguruar triumfin e madh në minutën e 90’-të.
Falë këtij rezultati, skuadra e Granada ngjitet në vendin e 4-t të tabelës me 22 pikë, teksa pretendon rikthimin në LaLiga, ndërsa Eldense mbetet në vendin e 20-të me 12 pikë.
