Donald Trump tashmë është shpallur fitues në zgjedhjet presidenciale amerikane duke iu adresuar përkrahësve në selinë e fushatës së tij në Florida në orët e para të së mërkurës
“Amerika na ka dhënë një mandat të pashembullt dhe të fuqishëm”, ka deklaruar ai para turmës së ekzaltuar.
Republikanët kanë fituar në shtetet e luhatura, Pensilvani, Karolinë Veriore dhe Xhorxhia, duke zvogëluar mundësinë e Harrisit për fitore. Pak para se Trumpi ta shpallte fitoren, Fox News projektoi fitoren e tij në zgjedhje. Trump ka fituar deri më tani 276 prej 270 elektorëve të nevojshëm për t’u zyrtarizuar si president.
Sipas të dhënave të mediave amerikane republikanët ia kanë dalë ta kthejnë kontrollin në Senat, duke fituar deri më tani 52 mandate nga 50 të nevojshme.
Republikanët janë në epërsi edhe në garën për Dhomën e përfaqësuesve, duke fituar deri tani 204 mandate kundrejt 182 sa i kanë demokratët. Shumica krijohet me 218 kongresistë.
Nëse republikanët fitojnë edhe Dhomën e Përfaqësuesve, Donald Trump dhe Republikanët do të kenë një rrugë të lehtë për të shtyrë agjendën e tyre legjislative.
