Deputeti demokrat Dashnor Sula, i ulur këmbëkryq jashtë ambienteve të Parlamentit, tha se Kuvendi i ka dhënë opozitës faturën për karriget e djegura, ndërsa sipas tij i kanë futur vetë në sallë po të njëjtat dhe jo të reja.
“Ne na dhanë faturën për t’i paguar, vetë i kanë futur karriget e djegura për të reja. Këta duan të vjedhin edhe këtu”, tha ai.
Në lidhje me thirrjen në SPAK të deputetes Elda Hoti, Sula tha se janë mësuar tashmë me thirrjet në SPAK, por shtoi se është krenar sepse nuk shkojnë as për korrupsion e as për vjedhje të fondeve.
Ndër të tjera tha se aksionin e tyre e kanë për Shqipërinë.
“Edhe këtu vjedhin. Jemi të pangopur. Këta gjithë natën mendojnë sesi do vjedhin në mëngjes. 8 milionë e 900 mijë të ngarkuar Bardhit, Nokës, Hotit dhe Nallbatit. Nëse iu ka shpëtuar ndonjë, e kanë futur brenda. Ne u mësuam tani, s’na bën përshtypje. Krenar jemi që nuk shkojmë për korrupsion dhe vjedhje të fondeve publike.
Këto janë i vetmi shtet në Europë që të dënojnë pa ligj, pa kushtetutë dhe pa rregullore. Aksionin po e bëjmë për Shqipërinë”, tha Sula.
