Polica ka shoqëruar në polici Dilaver Nelën, qytetarin që sulmoi me vezë dhe kos, Fredi Belerin te Kryesia e Kuvendit të Shqipërisë, një ditë më parë.
Mësohet se Nela do të merret në pyetje në lidhje me aktin e paprecedentë ndaj Belerit, i cili është në Tiranë në cilësinë e eurodeputetit, dhe më pas do të lihet i lirë.
Beleri ishte i rrethuar nga gazetarët në momentin kur protestuesi hodhi vezën në drejtim të tij.
Veza ka rënë edhe mbi reporterët që kërkonin të merrnin një prononcim nga eurodeputeti për vizitën e parë zyrtare në Tiranë pas daljes nga burgu.
Opozita e ka konsideruar këtë si një akt banditeskt të porositur nga kryeministri Edi Rama.
