Një sherr me thika ka ndodhur mes dy adoleshentëve në oborrin e një gjimnazi në Fushë Krujë. Mësohet se plagosja është shënuar në gjimnazin Shote Galica.
Klisman D., 17 vjeç u godit me thikë nga një tjetër nxënës, 18-vjeçari me iniciale K.D.
Nuk dihen ende rrethanat dhe shkaqet, ndërkohë i plagosuri është dërguar me urgjence ne spitalin e Traumës në Tiranë pasi ka plagë të thella dhe ka patur hemoragji të madhe.
“Më datë 30.10.2024, rreth orës 10:45, në gjimnazin “Shote Galica” në Fushë Krujë, një 17-vjeçar është konfliktuar me shtetasin K. D., 18 vjeç (të dy nxënës shkolle).
Gjatë konfliktit, 17-vjeçari dyshohet se ka goditur me mjet prerës shtetasin K. D., i cili si pasojë është dëmtuar dhe ndodhet në spital, në kujdesin e mjekëve.”- njofton policia.
Grupi hetimor po vijon punën për sqarimin e rrethanave të ngjarjes.
