Shumica e urave të vjetra në rajonin e Gjirokastrës janë monumente kulturore të kategorisë së parë dhe të dytë. Për vlerat arkitektonike dhe historinë që ato mbartin, këto ura parashikohen si atraksione të rëndësishme për të ardhmen, duke tërhequr vizitorë të interesuar për historinë dhe kulturën e Gjirokastrës.
Megjithatë, ruajtja dhe konservimi i tyre lë shumë për të dëshiruar. Sipas profesorit të arkeologjisë në Universitetin e Gjirokastrës, këto ura janë lënë jashtë vëmendjes, ndërkohë që kërkuesit amatorë të floririt kanë shkaktuar dëmtime në to, raporton A2 CNN.
Nga ana tjetër, Drejtoria Rajonale e Monumenteve dhe Trashëgimisë Kulturore ka një plan që synon ndërhyrje për ruajtjen e tyre dhe apelon gjithashtu tek banorët pranë këtyre urave monumente kulturore që të jenë të kujdesshëm.
Aktualisht, Drejtoria Rajonale e Trashëgimisë Kulturore e Gjirokastrës ka në inventar 20 ura që janë monumente kulture.
