Janë zbardhur detaje të reja nga protesta e thirrur nga Partia Demokratike, që do të mbahet ditën e nesërme (e martë, 29 tetor), ku do të bllokohen disa prej akseve kryesore në të gjithë vendin.
Më konkretisht, Partia Demokratike që prej orës 17:00 do të bllokojë këto akse rrugore:
- Segmenti Casa Italia – Sheshi “Shqiponja”
- Rrethrrotullimi Milot
- Rrethrrotullimi Shkozet
- Rrethrrotullimi Bradashesh
- Rrethrrotullimi Rrogozhinë
- Rrethrrotullimi Levan
Ndërkohë, së fundmi janë zbardhur dhe rolet dhe shpërndarja e deputetëve të Partisë Demokratike, e cila ndryshe nga herët e tjera nuk do të jetë e përqëndruar vetëm në një vend.
Mësohet se tek rruga tek ish-sheshi “Shqiponja” do të jenë të pranishme deputetët: Flamur Noka, Albana Vokshi, Xhelal Mziu, Petrit Doda, Asllan Dogjani, Helidon Bushati, Kreshnik Çollaku, Dhurata Çupi dhe aleatët të cilët do të jenë bashkë me qytetarët.
Pika e dytë do të jetë rrethrrotullimi Milot, ku do të vendosen deputetët: Flamur Hoxha, Isuf Çela, Emilja Koliqi, Ramadan Lika, Greda Bardeli, Ludovik Hasanaj, Lindita Metaliaj, Elda Hoti, Kastriot Piroli.
Tek rrethrrotullimi i Shkozetit do të jenë degët e qarkut Durrës, Fushë-Kruja, Kruja dhe Shijaku.
Në rrrethrrotullimin e Bradasheshit do të jenë degët e qarkut Korçë, Elbasan me deputetët Lefter Gështenja, Qani Xhafa, Edmond Spaho, Sorina Koti, Tomor Alizoti.
Në rrethrrotullimin e Rrogozhinës, degët Kavajë, Lushnjë, Rrogozhinë dhe Divjakë me Ilda Dhori, Dashnor Sula, Bledjon Nallbati.
Në rrethrrotullimin Levan, degët e Fierit, Gjirokastrës, Vlorë, Berat dhe deputetët Luan Baçi, Kasëm Mahmutaj, Tritan Shehu, Bujar Leskaj.
Ndërsa, deputetët Gazment Bardhi, Agron Gjekmarkaj, Oerd Bylykbashi, Jorida Tabaku, Ina Zhupa, Zheni Gjergji, dhe Saimir Korreshi do të marrin pjesë në takimin e 18-të të komisionit ndërparlamentar të stabilizim asocimit, ku do të vijnë në Tiranë 10 deputetë të Parlamentit Europian.
Pjesëmarrja e tyre do të jetë me porosi të kryetarit të PD-së Sali Berisha dhe do të mungojnë në fillimin e protestës që do të mbajë opozita në orën 17:00, por urdhërohen që menjëherë pas përfundimit të tryezës për integrimin, do t’i bashkohen qytetarëve në tubimin që do të mbahet në segmentin rrugor “Casa Italia – Sheshi Shqiponja”.
