Një ngjarje e rëndë është regjistruar mbrëmjen e djeshme në Tiranë, ku një i ri ka humbur jetën tragjikisht. Viktima është shtetasi M. Rr., 31 vjeç, banues në rrugën “Myslym Keta”.
Autoritet policore raportojnë se ai rreth orës 20:00, është gjetur i shtrirë në sheshpushimin e një pallati në Rrugën e Kavajës, përballë qendrës shëndetësore.
Nga hetimet paraprake, dyshohet se 31-vjeçari ka rënë nga kati i pestë i pallatit. Ai është transportuar me urgjencë në spital, por nuk ka arritur dot të mbijetojë.
Grupi i posaçëm hetimor vazhdon punën për sqarimin e rrethanave të ngjarjes.
Njoftimi:
Mbrëmjen e djeshme, rreth orës 20:00, në Rrugën e Kavajës, përballë qendrës shëndetësore, është gjetur i shtrirë në sheshpushimin e një pallati, shtetasi M. Rr., 31 vjeç, banues në rrugën “Myslym Keta”.
Menjëherë me marrjen e njoftimit është formuar një grup i posaçëm hetimor i cili ka shkuar në vendngjarje dhe nga kryerja e veprimeve hetimore, dyshohet se 31-vjeçari ka rënë nga kati i pestë i pallatit.
31-vjeçari është transportuar në spital, por si pasojë e dëmtimeve ka ndërruar jetë.
Grupi i posaçëm hetimor vazhdon punën për sqarimin e rrethanave të ngjarjes.
