Policia e Lezhës ka dhënë detaje të reja në lidhje me ngjarjen e ndodhur në Balldre, ku një person ka mbetur i plagosur. Në pranga është vënë Sokol Boga, ndërsa babai i këtij të fundit, Nikolin Boga është në kërkim.
47-vjeçari me inicialet L. M., është qëlluar me një kosore duke marrë plagë të rënda, por jashtë rrezikut për jetën.
Bëhet me dije se shkak i konfliktit u bë prona.
“Rreth orës 17:35, në Balldre, Lezhë, si pasojë e një konflikti për motive të dobëta është dëmtuar me një mjet prerës (kosor), shtetasi L. M., 47 vjeç, i cili po merr mjekim në spital dhe ndodhet jashtë rrezikut për jetën.
Nga veprimet e para hetimore të kryera nga grupi hetimor dyshohet se 47-vjeçari është goditur nga shtetasit S. B., dhe djali i tij shtetasi N. B., gjatë konfliktit fizik mes tyre.
Po nga konflikti është dëmtuar lehtë dhe shtetasi N.B, i cili pas ndihmën mjekësore do shoqërohet në Komisariat për veprime të mëtejshme.
Gjithashtu po nga veprimet e para hetimore dyshohet se këta shtetas kanë thyer dhe xhamin e parë të automjetit në pronësi të 47 vjeçarit.”- njofton policia.
Grupi hetimor ndodhet në vendngjarje dhe vijon punën për sqarimin e rrethanave dhe dokumentimin ligjor të rastit.
Ndërkohë shërbimet e Policisë vijojnë kontrollet për kapjen e shtetasit S.B.
