Janë zbardhur detaje të reja nga ngjarja e rëndë e regjistruar mbrëmjen e djeshme në Tiranë, ku një i ri u gjet i shtrirë në sheshpushimin e një pallati në Rrugën e Kavajës, përballë qendrës shëndetësore. Ai u transportua në spital, por nuk arriti dot t’u mbijetonte plagëve të marra.
Burime bëjnë me dije se viktima është shtetasi Mario Rroshi, 31 vjeç, banues në rrugën “Myslym Keta”, teksa Policia dyshon se kemi të bëjmë me një vetëvrasja, ku i riu është hedhur nga kati i 5-të i pallatit.
Mësohet se 31-vjeçari ka ardhur me një monopatimë që e ka lënë poshtë pallatit. Më pas, ai është ngjitur në sheshpushimin e katit të 5-të, ka lënë xhupin në shkallët e pallatit dhe është hedhur.
Ka dyshime se i riu Mario Rroshi vuante nga depresioni. Sipas të gjitha hetimeve deri më tani, i riu nga ka pasur konflikte.
Edhe dy prindërit e tij, në dëshminë që kanë dhënë nuk kanë deklaruar për konflikte që mund te jetë pasur djali i tyre.
Ndërkohë, grupi i posaçëm hetimor vazhdon punën për sqarimin e plotë të rrethanave të ngjarjes.
