Një 58-vjeçare nga Malajzia është gjetur e vdekur në tualetin e një hoteli në Shkodër. Dyshohet se 58-vjeçarja ka pësuar arrest kardiak rreth orës 20:00.
“Rreth orës 20:00, në tualetin e një hoteli në qendër të qytetit, është gjetur e pajetë shtetasja M. A. 58 vjeçe, banuese në Malajzi, e cila dyshohet se ka pësuar arrest kardiak.”- njofton policia.
Grupi hetimor vijon punën për sqarimin e rrethana të rastit dhe të shkakut të saktë të humbjes së jetës së 58 vjeçares.
