Bazuar në 10 mijë simulime kompjuterike, pas përfundimit të raundit të tretë të Champions League të mërkurën në mbrëmje, tri skuadra angleze do të jenë në krye të renditjes në përfundim të kësaj faze të kompetocionit më të rëndësishëm pë klube.
Manchester City, Liverpool, Aston Villa do të kenë grumbulluar më shumë pikë se skuadrat e tjera, në vendin e katërt Bayer Leverkuseni, më pas Interi Arsenali dhe Borussia e Dortmundit, mbyll top-8-shen, që kualifikohet direkt për në fazën tjetër, Barcelona.
Duket disi e çuditshme, por Reali nuk parashikohet të shkojë më tepër se vendi i nëntë, pra do t’i duhet të luajë në play off për të avancuar në raundin e 16 më të mirëve.
Të tjera skuadra të mëdha i Bayerni, PSG apo Atletico Madridit do të duhet të luajnë në play off për të vijuar rrugëtimin në këtë format të ri të Championsit.
Megjithatë ky është vetëm një projeksion bazuar në rezultatet e deritanishme dhe statistika, pasi me siguri do të ketë ndryshime në klasifikim pas përfundimit të tetë ndeshjeve të kësaj faze.
