Një grabitje e pazakontë është regjistruar këtë të hënë në Tiranë, ku një taksisti i është grabitur automjeti nga klienti i tij.
Autoritetet zyrtare raportojnë se shtetasi i huaj A. R., 27 vjeç, ka marrë një taxi tip “Hyundai”, me drejtues shtetasin L. C. në autostradë, përballë një qendre tregtare. Ndërkohë, në momentin kur shoferi i taksisë ka zbritur për të nxjerrë bagazhet, shtetasi A. R., ka marrë mjetin dhe është larguar.
Gjithsesi, grabitësi nuk ka arritur dot që ta kryejë vjedhjen, pasi është lokalilzuar dhe është ndaluar nga Policia në qytetin e Elbasanit.
Bëhet me dije se 27-vjeçari është shoqëruar për veprime të mëtejshme procedurale, ndërsa grupi hetimor po punon për sqarimin e rrethanave të ngjarjes.
I riu ishte shpallur në kërkim nga uniformat blu që ditën e djeshme, pasi dyshohet se ka vjedhur një automjet në një servis në rrugën Vorë-Marikaj.
