Të tjera detaje janë bërë të njohura lidhur me arrestimin me urdhër të Prokurorisë së Posaçme kundër Korrupsionit dhe Krimit të Organizuar, të ish-deputetit të PS-së, Jurgis Çyrbja.
Burime të “Balkanweb” bëjnë me dije se Çyrbja është arrestuar mbrëmjen e sotme në Durrës. Po ashtu, në pranga ka rënë edhe një person tjetër.
Ish-deputeti i PS, është arrestuar pak ditë pasi dorëzoi mandatin dhe u mor i pandehur nga SPAK për “shpërdorim detyre”. Ai akuzohet për shpërdorim detyre në kohën kur ishte drejtues i Hipotekës së Durrësit.
Përveç kësaj akuze, Çyrbja akuzohet edhe për një çështje tjetër. Ish-deputeti ka deklaruar se lënia e mandatit nuk erdhi nga shqetësime të natyrës ligjore, por ka nevojë të kujdeset për shëndetin.
Çyrbja është denoncuar nga Edi Paloka vite më parë, kur ishte drejtor hipoteke në Durrës.
